November 21, 2018
प्रदेशसभाको निर्वाचनमा निर्वाचित भएका ५५० सांसदहरुले आज आआफ्नो प्रदेशबाट शपथग्रहण लिदै छन् ।सातवटै प्रदेशसभाका प्रमुखहरुले आआफ्नो प्रदेशका निर्वाचित सांसदहरुलाई शपथग्रहण गराउने कार्यक्रम रहेको छ ।
प्रदेश नम्बर १ मा प्रदेश प्रमुख डा. गोविन्द सुब्बाले प्रदेशसभामा निर्वाचित सांसदहरुलाई शपथग्रहण गराउने छन् । प्रदेश नम्बर १ को शपथग्रहण कार्यक्रम विराटनगरस्थित वीरेन्द्र सभागृहमा हुदै छ ।
प्रदेश नम्बर २ मा भने प्रदेश प्रमुख रत्नेश्वरलाल कायस्थले प्रदेशसभामा निर्वाचित प्रदेश नम्बर २ का सांसदहरुलाई शपथग्रहण गराउने छन् । प्रदेश नम्बर २ को शपथग्रहण कार्यक्रम जनकपुर उद्योग वाणिज्य संघको सभाहलमा हुदै छ ।
त्यस्तै प्रदेश नम्बर ३ मा प्रदेश प्रमुख अनुराधा कोइरालाले प्रदेशसभामा निर्वाचित प्रदेश नम्बर ३ का सांसदहरुलाई हेटौंडास्थित प्रदेश सचिवालयमा सपथ गराउने भएकी छन् ।
प्रदेश नम्बर ४ मा प्रदेश प्रमुख बाबुराम कुँवरले आज प्रदेशसभामा निर्वाचित प्रदेश नम्बर ४ का सांसदहरुलाई शपथ गराउने भएका छन्। प्रदेश नम्बर ४ को शपथ ग्रहण कार्यक्रम पोखरास्थित क्षेत्रीय प्रशासन कार्यालय सभा हलमा हुदै छ ।
त्यस्तै प्रदेश नम्बर ५ मा प्रदेश प्रमुख उमाकान्त झाले प्रदेशसभामा निर्वाचित प्रदेश नम्बर ५ का सांसदहरुलाई शपथ गराउने भएका छन्। प्रदेश नम्बर ५ को शपथ ग्रहण कार्यक्रम बुटवल स्थित उद्योग वाणिज्य संघको सभाहलमा हुदै छ ।
प्रदेश नम्बर ६ मा प्रदेश प्रमुख दुर्गाकेशर खनालले प्रदेशसभामा निर्वाचित प्रदेश नम्बर ६ का सांसदहरुलाई शपथ गराउने भएका छन्। प्रदेश नम्बर ६ को शपथ ग्रहण कार्यक्रम जिल्ला समन्वय समिति सुर्खेतको हलमा हुदै छ ।
त्यस्तै प्रदेश ७ मा प्रदेश प्रमुख मोहनराज मल्लले प्रदेशसभामा निर्वाचित प्रदेश नम्बर ७ का सांसदहरुलाई शपथ गराउने भएका छन्। प्रदेश नम्बर ७ को शपथ ग्रहण कार्यक्रम धनगढीस्थित जिल्ला समन्वय समितिको हलमा आयोजना हुदै छ ।
शपथग्रहणको क्रममा संवैधानिक व्यवस्थाअनुरूप सातवटै प्रदेशसभाका प्रमुखहरुले आआफ्नो प्रदेशका निर्वाचित सांसदहरुमध्ये ज्येष्ठ सदस्यलाई शपथ गराउनेछन् । र अन्य सांसदहरूले ज्येष्ठ सदस्यबाट शपथ लिनेछन् ।
प्रकाशित मिति:November 21, 2018
