August 7, 2022
काठमाडौं ।आइतबार बसेको प्रतिनिधिसभाको बैठकमा बोल्दै एमाले सांसद प्रदीप ज्ञवालीले दुई दुई पटक भारतीय आयल निगमले मूल्य घटाएर पठाउँदा पनि सरकारले मूल्य नघटाएको आरोप लगाए । नेकपा एमालेका सांसद प्रदिप ज्ञवालीले निर्वाचन मिति घोषणा गरेपछि यसरी सदन चलाउँन मिल्छ भन्दै प्रश्न गरेको छ ।
भारतबाट मूल्य बढाएर पठाउँदा मूल्य बढाउने तर दुई दुई पटक मूल्य घटेर आउँदा पनी मूल्य नघटाए सरकारले भन्दै उनले आपत्ति जनाए ।
‘मूल्य बढेर आउँदा जनतालाई मूल्यभार थोपर्ने सरकारले अहिले दुई दुईपटक घटेर आउँदा मूल्य घटाइएको छैन,’ उनले भने, ‘तत्काल पेट्रोलियम पदार्थको मूल्य घटाइयोस् ।’
मूल्य बढाउने र भाउ घट्दा मूल्य नघटाएर नेपाल आयल निगमप्रति जनताको विश्वास घटाएर निजी क्षेत्रलाई पेट्रोलियम पदार्थ आयातको जिम्मा दिने तयारी सरकारले गरेको सांसद ज्ञवालीले आरोप लगाए । जस कारण भाउ बढाइरहेको सरकारले अहिले मूल्य नघटाएको उनको भनाइ छ । उनले प्रधानन्यायाधीशका विषयमा छलफल गर्न पाँच महिर्नासम्म सदनमा किन नल्याएको थप प्रश्न गरेका हुन् ।
प्रकाशित मिति:August 7, 2022
November 24, 2024
