दार्चुलामा एकै दिन १० जनामा कोरोना संक्रमण

दार्चुला । दार्चुलामा एकै दिन १० कोरोनामा कोरोना संक्रमण पुष्टि भएको छ । धनगढीस्थित कोरोना परीक्षण प्रयोगशालामा गरिएको परीक्षणमा १० पुरुषको पीसीआर रिर्पोट पोजेटिभ आएको जिल्ला स्वास्थ्य कार्यालय दार्चुलाका जनस्वास्थ्य अधिकृत जयराज भट्टले विज्ञप्ति मार्फत जानकारी दिनुभयो ।
जिल्लाको शैल्यशिखर नगरपालिकाका ३४, ३०, २७, २९, २०, १७, २० र २१ वर्षका ८ जना, लेकम गाउँपालिकाका ४२ वर्षीय १ जना र महाकाली नगरपालिकाका २८ वर्षीय १ गरी १० जना पुरुषमा कोरोना संक्रमण पुष्टि जनस्वास्थ्य अधिकृत भट्टले जानकारी गराउनु भयो ।

यसअघि जेठ ८ गते महाकाली नगरपालिकाका १ पुरुषमा कोरोना संक्रमण देखिएको थियो । जिल्ला अस्पताल दार्चुलामा उपचाररत उहाँको दोस्रो रिपोर्ट नेगेटिभ आइसकेको र तेस्रो पटक पीसीआर परीक्षणका लागि थ्रोट स्वाबको नमुना धनगढी पठाइएको जिल्ला अस्पताल दार्चुलाले जनाएको छ ।