इलाममा पनि देखियो पहिलो कोरोना संक्रमण

काठमाडौं । इलाम जिल्लामा पनि आज पहिलो एक जनामा कोरोना भाइरसको संक्रमण पुष्टि भएको छ । हालसम्म इलाममा संक्रमण देखिएको थिएन ।

कोशी अस्पतालको प्रयोगशालामा गरीएको परीक्षणमा इलाममा एक जनामा कोरोना पोजेटिभ देखिएको हो । इलाममा पनि संक्रमण देखिएपछि नेपालमा संक्रमण देखिएको जिल्ला ७२ पुगेको छ ।
हालसम्म नेपालमा ओखलढुंगा, मनाङ, मुस्ताङ, रुकुम पश्चिम र रसुवा जिल्लामा कोरोना संक्रमण देखिएको छैन ।
स्वास्थ्य मन्त्रालयको तथ्यांक अनुसार मंगलबार दिउसो साढे ४ बजेसम्म नेपालमा ४ हजार ८५ जनामा संक्रमण देखिएको छ । पछिल्लो २४ घण्टामा कोरोना संक्रमणबाट ३ सय २३ जनामा कोरोना संक्रमण पुष्टि भएको हो ।