June 21, 2020
काठमाडौँ । आइतबार स्वास्थ्य तथा जनसंख्या मन्त्रालयले कोरोनाबाट ज्यान जानेको संख्या १ थपिएको पुष्टि गरेको छ ।
नियमित प्रेस ब्रिफिङका क्रममा मन्त्रालयका प्रवक्ता डाक्टर जागेश्वर गौतमले १ को मृत्यु भएको बताएका हुन् ।
यससँगै नेपालमा कोरोनाका कारण मृत्यु हुनेको संख्या २३ पुगेको छ ।
मृतक गुल्मी जिल्लाको छत्रकोट गाउँपालिका वर्ष ६९ का पुरुष हुन् । प्रवक्ता डाक्टर गौतमले दिएको जानकारी अनुसार उनी प्यारालाइसिस उपचारका क्रममा भारत गएर गत २५ गते नेपाल आएका थिए ।
नेपाल आएपछि उनी होम क्वारेन्टाइनमा बसेका थिए ।
उनको मृत्यु शुक्रवार घरमै भएको थियो । शुक्रवार नै स्वाब संकलन गरी भैरहवा पठाइएकोमा शनिवार पीसीआर पोजिटिभ देखिएको हो ।
मृतकको शवको व्यवस्थापन शनिबार नै नेपाली सेनाले गरेको छ ।
प्रकाशित मिति:June 21, 2020
November 23, 2024
