काठमाडौँमा बुधबार पुन: थप २ जनामा देखियो कोरोना

काठमाडौँ । स्वास्थ्य तथा जनसंख्या मन्त्रालयको पछिल्लो अद्यावधिक अनुसार उपत्यकामा थप २ जनामा कोरोना संक्रमण पुष्टि भएको छ ।

मन्त्रालयका प्रवक्ता डा. जागेश्वर गौतमका अनुसार उपत्यकामा थप २ जनामा कोरोना भाइरस संक्रमण पुष्टि भएको हो ।

शुक्रराज ट्रपिकल तथा सरुवा रोग अस्पतालको प्रयोगशालामा काठमाडौंका एक पुरुष र पाटन अस्पताल ललितपुरको प्रयोगशालमा गरिएको परीक्षणमा ललितपुरकी एक महिलामा कोरोना संक्रमण देखिएको हो ।

योसहित नेपालमा संक्रमितको संख्या १० हजार ७२८ पुगेको छ । बुधबार मात्र ६२९ जनामा कोरोना संक्रमण देखिएको मन्त्रालयले पुष्टि गरेको छ।मन्त्रालयका अनुसार थप ११४ जना कोरोना जितेर डिस्चार्ज भएका छन्। कोरोनाबाट मृत्यु हुनेको संख्या २४ पुगेको छ।