November 21, 2018
स्पेनिस क्लब बार्सिलोना तथा अर्जेन्टनाका चर्चित खेलाडी लियोनेल मेस्सीले आयोजना गरेको मेस्सी आर्ट प्रतियोगितामा नेपाली कलाकार सनिल चित्रकार विजयी बनेका छन् ।
यो जानकारी लियोनेल मेस्सी स्वयम्ले आफ्नो आधारिक फेसबुक पेजमा ब्यक्त गरि विजेताको घोषणा गरेका छन् । अनलाइन भोटिङमार्फत यस प्रतियोगिताको विजेता छनौट गरिएको हो । लियोनेल मेस्सी स्वयम्ले आफ्नो आधारिक फेसबुक पेजबाट विजेताको घोषणा गरे । उनले आफ्नो फेसबुक पेजमा नेपालको झण्डा पनि राखेका छन् ।
अनलाइन भोटिङमार्फत प्रतियोगिताको विजेता छनौट गरिएकोमा उनले २५ हजारभन्दा बढी भोट प्राप्त गरि बिजयी भएका हुन् ।
विजेता बनेका उनले मेस्सीले हस्ताक्षर गरेको जर्सी प्राप्त गर्नेछन् भने उनको चित्रलाई सान्ट जोन डि डेउ अस्पताललाई लिलामीका लागि प्रदान गरिनेछ । लिलामीबाट उठेको रकम क्यानसर पीडित बालबालिकाका लागि प्रयोग गरिनेछ ।
प्रकाशित मिति:November 21, 2018
