July 17, 2020
काठमाडौँ । मोरङ जिल्लाको केराबारी गाउँपालिकाका अध्यक्ष रोहितबहादुर कार्की माथि कार्यालयमा खुकुरी प्रहार भएको छ ।
शुक्रबार पटके करको विषयमा स्थानीय भवन ठकुरीले खुकुरी प्रहार गरेका हुन् । खुकुरी लागेर अध्यक्ष कार्की गम्भीर घाइते भएको प्रहरी चौकी केराबारीका प्रहरी नायव निरिक्षक दिपक बरालले बताए ।
आर्थिक बर्ष २०७६/७७ असार मसान्त सम्म गाउँपालिकाको पटके करको ठेक्का लिएका ठकुरीले साउन १ देखि गाउँपालिका आफैले कर उठाउन थालेपछि कार्की माथि आक्रमण गरिएको हुनसक्ने प्रहरीको प्रारम्भिक अनुमान छ ।
आक्रमण गर्ने ठकुरीलाइ प्रहरीले नियन्त्रणमा लिएको छ । घाइते अध्यक्षलाई उपचारका लागि नोबेल अस्पताल विराटनगर लगिएको छ ।
प्रकाशित मिति:July 17, 2020
