कमलपोखरीमा डुबेर १ जनाको मृत्यु

काठमाडौं। भक्तपुर नगरपालिका—१० कमलविनायकस्थित कमलपोखरीमा डुबेर १ जनाको मृत्यु भएको छ। भक्तपुर चाँगुनारायण नगरपालिका—९ सौडौल बस्ने ५१ वर्षीय राजेश खड्काको मंगलबार मृत्यु भएको हो।

पोखरीमा डुबी खड्का बेपत्ता भएको भन्ने जानकारी प्राप्त हुनासाथ महानगरीय प्रहरी वृत्त जगाती र महानगरीय प्रहरी परिसर भक्तपुरबाट खटिएको प्रहरीले उनलाई तत्कालै उद्धार गरेको थियो।

गम्भीर अवस्थामा उद्धार गरिएका उनलाई उपचारको लागि भक्तपुर अस्पतालतर्फ लैजाने क्रममा बाटोमै मृत्यु भएको हो।