साताको तेस्रो दिन नेप्से परिसुचक ७.५९ अंकले बढ्यो

काठमाडौँ। साताको तेस्रो दिन मंगलबार सेयर कारोबार‍मा सुधार आएको छ। सोमबार नेप्से परिसुचक ०.५४ प्रतिशत अर्थात ७.५९ अंकले बढेर १ हजार ४ सय ३ दशमलब ८६ विन्दुमा रोकिएको छ।

त्यस्तै ठूला कम्पनीको कारोबार गर्ने सेन्सेटिभ परिसूचक ०.५० प्रतिशत अर्थात १ दशमलब ४७ अंकले बढेर २ सय ९४ दशमलब २४ विन्दुमा रोकिएको छ।

दिनभर १ सय ९० कम्पनी कारोबारको लागि सूचीकृत भएका छन्। कूल सूचीकृत कम्पनीको १६ हजार ६ सय ६६ पटकको ५३ लाख ४२ हजार ८ सय ५१ कित्ता सेयर खरिद बिक्री भएको छ। जस अनुसार कारोबार रकम १ अर्ब २९ करोडको २५ लाख २ हजार २ सय १३ पुगेको छ।