बिहारमा नवौँ पटक मुख्यमन्त्री बने नीतिश कुमार

एजेन्सी । नवौं पटक भारत बिहारको मुख्यमन्त्रीमा नीतिश कुमार नियुक्त भएका छन् ।आइतबार राजीनामा दिएका उनी ६ घन्टा पनि नबित्दै पुन मुख्यमन्त्री नियुक्त भएका हुन् ।
यसअघि आठौं पटक राष्ट्रिय जनता दलको समर्थनमा मुख्यमन्त्री रहेकाे थियाे । उनी अहिले भारतीय जनना पार्टी (बिजेपी)को समर्थनमा मुख्यमन्त्री बनेका हुन् ।
उनले शपथ पनि लिएका छन् । शपथ ग्रहण समारोहमा बिजेपी अध्यक्ष जेपी नड्डा, लोक जनशक्ति पार्टीका नेता चिराग पासवान सहित धेरै नेताहरू उपस्थित थिए ।
उनी बिहारको मुख्यमन्त्री बनेको यो नवौं पटक हो । नीतिश कुमारले सन् २०२२ को अगष्टमा भाजपाबाट गठबन्धन तोडेर राष्ट्रिय जनता दलसँग मिलेका थिए ।
तर त्यो गठबन्धन तोड्दै नितिश कुमारको जनता दल युनाइटेड फेरि बिजेपीसँग मिलेको हो ।
राजनीतिमा करिब पाँच दशक वितासकेका नीतिश कुमारले आफ्नो सहुलियतका लागि दल र गठबन्धन फेर्दै आएका छन् ।