राजविराज कारागारमा १९ वर्षिय युवा मृत भेटिए

सप्तरी । राजविराज कारागारमा एकजना युवा मृत भेटिएका छन् । बलात्कारको आरोपमा पुर्पक्षका लागि थुनामा रहेका १९ वर्षीय देवेन्द्र मण्डल मृत अवस्थामा फेला परेका हुन् ।

कारागारको शौचालयमा झुण्डिएको अवस्थामा मण्डललाई बिहान फेला पारेको राजविराज कारागार प्रशासनले जनाएको छ ।

सप्तरीको हनुमाननगर कंकालिनी नगरपालिका–६ का मण्डल गत भदौ ११ गतेदेखि कारागारमा थिए । १५ वर्षीया बालिकालाई गत साउन १३ गते राति अपहरण गरी बलात्कार गरेको आरोपमा उनी कारागारमा थिए ।