August 14, 2020
काठमाडौँ । भारतको राजधानी शहर नयाँ दिल्लीमा गत २४ घण्टाको अवधिमा थप एक हजार १ सय ९२ व्यक्तिमा कोरोना सङ्क्रमण पुष्टि भएको छ भने थप ११ सङ्क्रमितको मृत्यु भएको राज्य सरकारले जानकारी गराएको छ।
योसँगै दिल्लीमा शुक्रबारसम्म सङ्क्रमित भएका व्यक्तिको सङ्ख्या एक लाख ५० हजार ६ सय ५२ पुगेको छ। दिल्लीमा चार हजार १ सय ७४ सङ्क्रमितको मृत्यु भएको पुष्टि गरिएको छ। राष्ट्रिय राजधानीमा हाल सक्रिय सङ्क्रमितको सङ्ख्या ११ हजार ३ सय ६६ पुगेको छ।
दिल्लीमा शुक्रबार कोरोना सङ्क्रमणमुक्त भई घर फर्किनेको सङ्ख्या ७ सय ९० रहेको छ भने अहिलेसम्म एक लाख ३५ हजार १ सय ८ सङ्क्रमित निको भई घर फर्किएका छन्।
दिल्लीमा हालसम्म १२ लाख ७३ हजार १ सय ४० को कोभिड–१९ परीक्षण गरिएको छ।
संघीय स्वास्थ्य मन्त्रालयले दिएको जानकारी अनुसार भारतमा गत २४ घण्टामा सङ्क्रमितको सङ्ख्या ६४ हजार ५ सय ५३ पुगेको छ भने एक हजार सङ्क्रमितको मृत्यु भएको छ।
भारतभर कूल सङ्क्रमितको सङ्ख्या २४ लाख ६१ हजार १ सय ९१ रहेको छ भने छ लाख ६१ हजार ५ सय ९५ अझै सङ्क्रमित अवस्थामा रहेका छन्। सङ्क्रमितमध्ये देशभर ४८ हजार ४० जनाको मृत्यु भइसकेको छ।
प्रकाशित मिति:August 14, 2020
