May 14, 2024
काठमाडौँ । नेपाली कांग्रेसले सहकारीको बचत रकम अनियमिततामा संलग्न रहेको आरोप लागेका उपप्रधान तथा गृहमन्त्री रवि लामिछानेमाथि छानबिन गर्नका लागि संसदीय छानबिन समिति गठन नगरिए संसद् अवरोध यथावत् रहने निष्कर्ष निकालेको छ ।
मंगलबार बिहान बसेको संसदीय दलको बैठकले आज दिउँसो नीति तथा कार्यक्रम पेस गर्न दिने निर्णय गरेको प्रमुख सचेतक रमेश लेखकले बताए । उनले भने, आज बसेको बैठकले नीति तथा कार्यक्रम पेस गर्न दिने तर सहकारी छानबिन समिति नबन्दासम्म संसदका अरु कारबाही अगाडि बढ्न नदिने निर्णय गरेको छ । हाम्रो अडान यथावतै छ ।
यस्तै बैठकमा गिरिबन्धु टिस्टेट फैसलाबारे छलफल भएको थियो । यो विषयले बैठकमा प्रवेश पाए पनि यसबारे व्यवस्थित धारणा ल्याउने प्रमुख सचेतक लेखकले बताए ।
प्रकाशित मिति:May 14, 2024
