पछिल्लो २४ घण्टामा थप १ हजार २ सय २१ जनामा कोरोना संक्रमण पुष्टि भएको छ ।

देशका विभिन्न प्रयोगशालामा गरिएको परीक्षणका क्रममा थप १ हजार २ सय २१ संक्रमित थपिएसंगै नेपालमा कोरोना संक्रमितको संख्या ३८ हजार ५ सय ६१ जना पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।

मन्त्रालयका अनुसार आइतबार प्रदेश–१ को इलाममा १, ओखलढुंगामा ४, झापामा ११, पाँचथरमा १, मोरङमा ४९, संखुवासभामा २ र सुनसरीमा ३३ जनामा कोरोना संक्रमण पुष्टि भएको छ ।

यस्तै, प्रदेश–२ को धनुषाका ७५, पर्साका ४६, बाराका ८२, महोत्तरीका ३७, सप्तरीका ६, सर्लाहीका ३४ र सिरहाका २६ जना संक्रमित थपिएका छन् भने बागमती प्रदेशको काठमाडौंका ३७२, काभ्रेका २५, चितवनका ९०, धादिङमा ३, भक्तपुरका ४५, ललितपुरका १२, मकवानपुरका ९, रामेछापमा १, सिन्धुपाल्चोकका २ र सिन्धुलीमा ५ जनामा संक्रमण पुष्टि भएको मन्त्रालले जनाएको छ ।

गण्डकी प्रदेशमा गरिएको परीक्षणका क्रममा कास्कीका ५, गोरखामा ५, तनहुँमा ४, नवलपरासी पूर्वका २ र बाग्लुङमा ३ जनामा कोरोना पोजेटिभ देखिएको छ भने प्रदेश–५ को अर्घखाचीमा ३, कपिलवस्तुमा २५, गुल्मीमा ६, दाङमा ५, नलवपरासीमा २१, पाल्पामा ८, प्युठानमा ५, बर्दियामा ६, बाँकेमा १४ र रुपन्देहीमा ६१ जना संक्रमित भेटिएका छन् ।

यस्तै कर्णाली प्रदेशको सुर्खेतमा २, सुदूरपश्चिम प्रदेशको अछाम ८, कञ्चनपुरमा १, कैलालीमा ६, डोटीमा ११, दार्चुलामा २, बझाङमा ४७ जनामा कोराना पुष्टि भएको मन्त्रालयले नियमित मिडिया ब्रिफिङका क्रममा जनाएको छ ।