‘प्रधानाध्यापक शिक्षक सेवा आयोगबाट ल्याउन माग’

काठमाडौं । नेपाली कांग्रेसका नेता चन्द्र भण्डारीले विद्यालयका प्रधानाध्यापक शिक्षक शेवा आयोगबाट ल्याउनु पर्ने बताएका छन् । आज बसेको प्रतिनिधिसभा बैठकमा बोल्दै नेता भण्डारीले विद्यालय तहको नेतृत्व प्रधानाध्यापकले गर्ने भएकाले उसले दृढ भएर काम गर्न पनि सो आयोगले चयन गर्नुपर्ने बताएका हुन् ।

विद्यालय शिक्षा विधेयक संसदमा पेश भएको उल्लेख गर्दै उनले त्यहाँ सो कुरालाई समावेश गर्न सरकारसँग माग गरेका हुन् ।

सांसद भण्डारीले अन्तर्राष्ट्रिय क्षेत्रमा अनुसन्धान गरिरहेकाहरुलाई विश्वविद्यालयको नेतृत्वमा पुर्‍याउन पनि सरकारलाई सचेत गराए ।

सांसद भण्डारीले विश्वविद्यालय अहिले नेतृत्व विहीनजस्तो अवस्थामा रहेको बताएका छन् ।