रसुवाको कालिकामा बिजुली सर्ट भएर आगलागी हुँदा ३ घर जले, करिव २७ लाख वरावरको क्षति

रसुवा, रसुवाको कालिका गाउँपालिका वडा नम्बर १ ग्राङमा बिजुली सर्ट भई आगलागी हुँदा ३ वटा घर पुरै जलेर नष्ट भएका छन्।

आगलागीबाट करिब २७ लाख बराबरको सामान जलेको छ। मानवीय क्षति भने भएको छैन्।

इलाका प्रहरी कार्यालय कालिकास्थानका इन्चार्ज पान्नालाल यादवका अनुसार ग्राङका स्थानीय छेवाङ लामाको नाति पासाङ मेन्दो तामाङ,डेमा नुर्पु तामाङ,छिरिङ पेम्वा तामाङको घर पुरै जलेर नष्ट भएको र छिरिङ पेम्वाको आन्दाजि १२ लाख,डेमा नुर्पुको १० लाख,छेवाङ लामाको नाति पासाङ मेन्दोको ५ लाख बराबरको घनमाल नष्ट भएको छ। मानवीय क्षति भने भएको उनले बताए।

‘घरमा बिहान खाना खाएर काममा निस्किन लाग्दा अचानक करेन्ट सर्ट भएर आगो लाग्न सुरू भयो।

के गर्ने नगर्ने अन्यौल भयो र हारगुहार गरेर गाउँलेहरू मिलेर आगो निभाउन तिर लागे। त्यसपछि सेना प्रहरी सशस्त्र प्रहरीलाई समेत खबर गरेपछि धुन्चेवाट र कालिका स्थानबाट सेना,प्रहरी समेत आएपछि लागो निभाउन सफल भयो,पीडित छिरिङ पेम्वा तामाङले भने, तर समानभने वचाउन सकिएन्।

लत्ताकपडा,खाद्यान्न लगायत गरगहना भाँडाकुँडा समेत केही नरहेको सबै जलेर नष्ट भएको स्थानीयहरू बताउँछन् ।

कालिका गाउँपालिकाको उपाध्यक्ष मिरा लामा,वडा नम्बर ५ का वडा अध्यक्ष एवं कालिका गापाको प्रवक्ता समेत रहेका सन्दीप पौडेलसहितको टोलि घटना स्थल पुगेर उनिहरूलाई राहत वितरण गर्ने प्रतिबद्धता व्यक्त गरेका छन्।

घर एक तल्ला ढङ्गाको र अर्को तल्ला जस्ताले बारिएको थियो ।