प्रधानमन्त्री ओली चारदिने भ्रमण सम्पन्न गरी स्वदेश फिर्ता

काठमाण्डू, प्रधानमन्त्री केपी ओली चीनको चारदिने औपचारिक भ्रमण सम्पन्न गरी स्वदेश फर्किएका छन् ।

चिनियाँ समकक्षीको निमन्त्रणामा मङ्सिर १७ गते बेइजिङ गएका प्रधानमन्त्री ओली काठमाडौँस्थित त्रिभुवन अन्तर्राष्ट्रिय विमानस्थल अवतरण गरेको उनका प्रेस संयोजक प्रकाश सिलवालले जानकारी दिए ।

हिमालय एयरलाइन्सको विशेष चार्टर विमानबाट प्रधानमन्त्री ओली नेतृत्वको प्रतिनिधिमण्डल चीन भ्रमणमा गएको थियो ।

भ्रमणका क्रममा बेइजिङमा प्रधानमन्त्री ओलीले चीनका राष्ट्रपति सी जिनपिङ, प्रधानमन्त्री ली छ्याङ लगायतसँग भेटवार्ता गरेका थिए ।

त्यही क्रममा नेपाल र चीनबिच बीआरआई फ्रेमवर्क सहमतिपत्रमा हस्ताक्षर भएको थियो ।