पाकिस्तानलाई पराजित गरेको नेपाल यू-१९ महिला एसिया कपमा भारतसँग खेल्दै

  Sampatti News

December 16, 2024

काठमाण्डू, एसीसी यू-१९ महिला एसिया कप क्रिकेटको आफ्नो दोस्रो खेलमा नेपालले आज भारतसँग खेल्दैछ ।

समूह बी मा रहेका नेपाल र भारतबीचको खेल नेपाली समयअनुसार विहान ११: ४५ बजे क्वालालम्पुरस्थित बायुमास ओभलमा सुरु हुनेछ ।

यसअघि नेपालले आफ्नो पहिलो खेलमा सोमबार पाकिस्तानलाई हराएको थियो । पाकिस्तानलाई हराएसँगै नेपाल सुपर फोरमा पुगिसकेको छ ।

भारतले पनि पहिलो खेलमा पाकिस्तानलाई हराइसकेकाले नेपाल एक जितले सुपर फोरमा प्रवेश गरेको हो ।

आईसीसी यू-१९ महिला टी-२० विश्वकप एसिया छनोटको विजेता बनेपछि नेपाल यू-१९ विश्वकप र यू-१९ एसिया कपमा छनोट भएको थियो ।

यू-१९ महिला विश्वकप पनि आगामी जनवरी/फेब्रुअरीमा हुँदैछ ।

प्रकाशित मिति:December 16, 2024