December 25, 2024
काठमाण्डू, नेपाली कांग्रेसका नेता तथा सांसद डा. शशाङ्क कोइरालाले नेपाली कांग्रेसले बीपी कोइरालाका विचार अङ्गालेर अगाडि बढ्न जरुरी रहेको बताएका छन् ।
बुधबार उनले कुनै पनि नेताले समाजका लागि सोच्न जरुरी रहेको बताए । समाजका लागि सोचे मात्रै राजनीति हुने बताए ।
आफ्नो मात्र चिन्ता गरेर राजनीति नचल्ने उनको जिकिर छ । उनले नेपाली समाज वर्षौँ पुरानो रहेको उल्लेख गर्दै त्यो समाजलाई निरन्तरता दिने काम नयाँ पुस्ताको भएको बताए ।
उनले भने, ‘आज मान्छेले बीपी कोइरालालाई किन सम्झिन्छन्, उहाँ करोडपति वा अर्बपति त हुनुहुन्नथ्यो । किनभने उहाँले आफ्नो जीवन यस्तो प्रयोग गर्नुभयो । उहाँले आफ्नो जीवन अरूका लागि व्याप्त गर्नुभयो ।
मान्छेले आफूबाट निस्किएर गएपछि मात्र राजनीति शुरु हुन्छ । आफ्नो बारेमा मात्र चिन्ता गरेर त्यस्तो राजनीति चल्दैन् ।
हाम्रो समाज हजारौँ वर्षदेखि चलिआएको समाज हो । त्यो समाजको निरन्तरता हामीले दिने हो । बीपी कोइरालाको जुन विचार छ, त्यो विचारमा अडिएर हामीले अगाडि बढ्नुपर्छ । ’
प्रकाशित मिति:December 25, 2024
December 25, 2024
