कलकत्तामा अलपत्र परेका नेपाली महाबाणिज्यदूत आचार्यको पहलमा स्वदेश फिर्ता
१६ पुष २०८१, मंगलवार
झापा, कलकत्ताका अलपत्र परेका तीन जना नेपाली महाबाणिज्यदूत झक्क आचार्यको पहलमा स्वदेश फिर्ता भएका छन् ।
कोलकातास्थित नेपाली महाबाणिज्यदूतावास, पश्चिम बंगाल प्रहरी र सशस्त्र प्रहरी बल नेपालको सहकार्य र समन्वयमा नेपालका विभिन्न क्षेत्रबाट भारतीय भूमिमा आई अलपत्र बनेका बालबालिकाको उद्धार नेपाल पठाएको हो ।
यसरी नेपाल पठाइएका बालबालिकामा कपिलबस्तु जिल्ला, बाण गंगा नगरपालिका वडा नं. ५ लक्ष्मणघाट बस्ने बुन्सि थारुको छोरा बर्ष १४ को सुरन्दर थारु, सर्लाही जिल्लाको लालबन्दी ज्ञान बहादुर तामाङ्को छोरा बर्ष १६ को अजित तामाङ र झापा जिल्ला, अर्जुनधारा नगरपालिका वडा नं. ६ बस्ने खगेन्द्र प्रसाईको छोरी अन्दाजी बर्ष १५ को पार्वती प्रसाईलाई नेपाल पठाइएको महावाण्ज्यिदूतावासले जनाएको छ ।
थारुलाई पश्चिम बंगाल राज्यको पुरुलियाबाट, तामाङलाई सिलगुडी र प्रसाईलाई जलपाईगुडीबाट भारतीय प्रहरीको सहयोगमा उद्धार गरि नेपाल पठाइएको थियो ।
तीनै जना बालवालिकालाई कसैले फकाइ फुलाई गरी वेवारिसे बनाएको सूचनाको आधारमा भारतीय प्रहरीको सहयोगमा उद्धार गरिएको थियो ।
तीनै जनालाई सम्बन्धित परिवारलाई जिम्मा लगाउने गरी सीमा सशस्त्र प्रहरी बलका सशस्त्र प्रहरी नायब महानिरीक्षक श्री मुनबहादुर लामालाई दूतावासका कर्मचारी श्री सतिस थापाले बुझाएको जनाएको छ ।
महाबाज्यदूत आचार्यको बिशेष पहलमा यो काम भएको हो। महाबाणिज्यदूत आचार्य जहाँ जहाँ रहेपनि नागरिकको हकमा निकै महत्त्वपूर्ण काम गर्दै आएका छन् ।
