नयाँ स्टक एक्सचेञ्जको अनुमति प्रक्रिया रोक्न सर्वोच्चमा फेरि पर्यो मुद्दा

काठमाण्डू, नेपाल धितोपत्र बोर्डले नयाँ नयाँ स्टक एक्सचेञ्ज प्रक्रिया अघि बढाउँदै गर्दा सर्वोच्च अदालतमा फेरी मुद्दा परेको छ ।

सर्वोच्च अदालतका प्रवक्ता अच्युत कुईकेलका अनुसार आज सर्वोच्च अदालतमा नयाँ स्टक एक्सचेञ्जको अनुमति प्रक्रिया रोक्न मुद्दा परेको हो ।

सरकारले नयाँ स्टक एक्सचेञ्जको लाइसेन्स प्रक्रिया अघि बढाउने निर्णयसहित अध्ययन कार्यदलको प्रतिवेदन अर्थमन्त्रालयमा पठाउने निर्णय गरेको थियो ।

यसअघि नेपाल राष्ट्र बैंकका डेपुटी गर्भनर चिन्तामणि सिवाकोटीको अध्ययन समितिले नयाँ स्टक एक्सचेञ्ज अघि बढाउने सरकारलाई प्रतिवेदन बुझाएको थियो ।

योसँगै नयाँ स्टक एक्सचेञ्जको प्रक्रिया के हुने भन्ने अन्योलता बढेको छ ।