January 9, 2025
काठमाण्डू, जय ट्रफी एलिट कप क्रिकेटमा त्रिभुवन आर्मी क्लब र बागमती प्रदेश बीचको खेल ड्र भएको छ ।
जनकपुरस्थित रामजानकी मल्टिपर्पस स्टेडियममा भएको खेल बराबरीमा सकिएको हो ।
दोस्रो इनिङ्समा २०४ रनको लक्ष्य पछ्याएको बागमतीले २८.४ ओभरमा ५ विकेटको क्षतिमा ८० रन बनाउन सक्यो ।
बागमतीका लागि शुभ कंशकारले ३३ र नन्दन यादवले १३ रन बनाए । रित गौतमले १६, इशान पाण्डेले ६ र आषुतोश घिरैयाले ४ रन बनाए ।
आर्मीका लागि पवन कार्की र आकाश चन्दले २(२ तथा कुशल मल्लले १ विकेट लिए ।
यसअघि आर्मीले दोस्रो इनिङ्समा २५.३ ओभरमा ८ विकेटको क्षतिमा १२७ रन बनाउँदा इनिङ्स डिक्लेर गरेसँगै बागमतीले २०४ रनको लक्ष्य पाएको थियो ।
प्रकाशित मिति:January 9, 2025
January 9, 2025
