January 13, 2025
त्रिभुवन विश्वविद्यालयले देशभरका २४ आंगिक क्याम्पसमा क्याम्पस प्रमुख नियुक्त गरेको छ । आइतबार बसेको त्रिवि कार्यकारी परिषद्को बैठकले देशभरका २४ आंगिक क्याम्पसमा क्याम्पस प्रमुख नियुक्त गरेको हो ।क्याम्पस प्रमुख नियुक्तिका लागि त्रिविले छनौट तथा सिफारिस समिति गठन गरेको थियो। समितिले गरेको सिफारिसको आधारमा नियुक्ति गरिएको त्रिविले जनाएको छ ।
सहप्राध्यापक कपिल खनाल शंकरदेव क्याम्पस प्रमुख हुँदा रत्नराज्य लक्ष्मी क्याम्पसमा सहप्रा पदमकुमार अधिकारी नियुक्त भएका छन् ।
नेपाल कमर्श क्याम्पसमा सहप्रा जितेन्द्रप्रसाद उपाध्याय, भैरहवा क्याम्पस लक्कीप्रसाद जोशी, ललितकला क्याम्पस उपप्राध्यापक यामप्रसाद शर्मा, सानोठिमी क्याम्पस उपप्रा माधवप्रसाद श्रेष्ठ, महेन्द्र बहुमुखी क्याम्पस सहप्रा लालमणि आचार्य नियुक्त भएका छन् ।
त्यस्तै सुर्खेत बहुमुखी क्याम्पस सहप्रा माधवप्रसाद खनाल, विश्वभाषा क्याम्पस उपप्रा महेन्द्रकुमार बुढाथोकी, पाटन संयुक्त क्याम्पस सहप्रा रघुवीर विष्ट, बुटबल बहुमुखी क्याम्पस, उपप्रा अरुणकुमार क्षेत्री, रामस्वरुप रामसागर क्याम्पसप्राध्यापक बसन्तकुमार कर्ण, भोजपुर बहुमुखी सहप्रा पर्वतकुमार नियुक्त भएका राई छन् ।
पृथ्वीनारायण क्याम्पसमा प्राध्यापक हरिप्रसाद पाठक, सूर्यनारायण सत्यनारायण क्याम्पस सहप्रा राजेश्वरप्रसाद यादव, डोटी बहुमुखी क्याम्पस सह दिलानन्द जोशी, त्रिभुवन बहुमुखी क्याम्पस उपप्रा टंकप्रसाद पन्थ, जुम्ला बहुमुखी क्याम्पस उपप्रा प्रकाशचन्द्र खत्री नियुक्त भएका छन् ।
वनविज्ञान अध्ययन संस्थान पोखरा सहप्रा नारायणप्रसाद गौतम, कृषि र पशु विज्ञान अध्ययन संस्थान लमजुङ उपप्राध्यापक रामकुमार श्रेष्ठ, पक्लिहवा क्याम्पस सहप्राध्यापक जन्मजय गैरे, मेची बहुमुखी क्याम्पस सहप्राध्यापक देवीप्रसाद आचार्य, केन्द्रीय प्रविधि क्याम्पस धरान प्राध्यापक बसन्तकुमार राई र धौलागिरि बहुमुखी क्याम्पसमा सहप्रा सुदर्शन सिलवाल नियुक्त भएका छन् ।
प्रमुख नियुक्ति नहुँदा लामो समयदेखि क्याम्पस निमित्तको भरमा थिए । गत असोजमा त्रिविले छनोट समिति बनाएको थियो । छनोट समितिले नाम सिफारिस गरेपछि परिषद्ले नियुक्ति गरेको हो ।
प्रकाशित मिति:January 13, 2025
January 13, 2025
