January 20, 2025
धनुषा । धनुषाको जनकपुरधाम उपमहानगरपालिका २३ स्थित सडकमा शनिबार साँझ मोटरसाइकल र स्कुटर एकापसमा ठोक्किँदा एक जनाको मृत्यु भएको छ । बीआर ०६ डिजे २६३२ नम्बरको मोटरसाइकलले ज १२ प ६०३८ नम्बरको स्कुटरलाई ठक्कर दिएपछि दुर्घटना भएको हो ।
दुर्घटनामा महोत्तरी पिपरा गाउँपालिका ५ निवासी ६० वर्षीया राजमरी देवी गम्भीर घाइते भएकी थिइन् । उपचारका लागि नोबेल अस्पताल विराटनगर लगिएकोमा त्यहीँ उनको मृत्यु भएको प्रहरी जनाएको छ । स्कुटर चालक र मोटरसाइकल चालक पनि घाइते भएका छन् ।
स्कुटर चालकको जनकपुरको जानकी हेल्थ केयरमा र मोटरसाइकल चालकको प्रादेशिक अस्पताल जनकपुरमा उपचार भइरहेको छ । प्रहरीले दुर्घटनाको सम्बन्धमा आवश्यक अनुसन्धान अगाडि बढाएको जनाएको छ । यस घटनाले स्थानीय क्षेत्रमा शोक छाएको छ ।
प्रकाशित मिति:January 20, 2025
