हिजो, आज र भोलीको प्रधानमन्त्रीले भन्दा राम्रो काम गर्न सक्छु : थापा

काठमाडौँ । नेपाली कांग्रेसका महामन्त्री गगनकुमार थापाले अहिलेका प्रधानमन्त्रीभन्दा आफूले राम्रो काम गरेर देखाउने बताएका छन् ।

नेपाली काँग्रेसका महामन्त्री गगन थापाले काँग्रेसले काम गर्ने अवसर पाइएन भनेर गनगन गर्न नपाइने बताएका छन् । काम गर्नका लागि छोटै अवधि पनि पर्याप्त हुने विभिन्न उदाहरण दिँदै उनले कामै गर्ने अवसर पाइएन भनेर भन्न नमिल्ने बताएका हुन् ।

भक्तपुरमा आयोजित एक कार्यक्रमलाई सम्बोधन गर्ने क्रममा महामन्त्री थापाले यस्तो बताउनु भएको हो ।

उहाँले भन्नुभयो, ‘अहिलेको प्रधानमन्त्री, अब बन्ने प्रधानमन्त्री वा यसअघिका प्रधानमन्त्रीहरू भन्दा युवा पुस्ताबाट बन्ने प्रधानमन्त्रीले बढी राम्रो काम गरेर देखाउन सक्छु । आजको प्रधानमन्त्रीको ठाउँमा आजै बेलुका गएर हामीमध्ये कसैलाई प्रधानमन्त्री बनाउने हो, भने अहिले चलाएको भन्दा राम्रो चलाउँछौँ ।’

देशले चाहेजस्तै नेतृत्व ल्याउनका लागी प्रयास गरेको र त्यस प्रयासबाट आएका परिणाम पनि सवैले स्विकार गर्नु पर्ने थापाले बताउनुभयो ।