विदेश पठाइदिन्छु भन्दै करोडौं ठगी गर्ने व्यक्ति पक्राउ

काठमाडौँ । अमेरिका पठाइदिने भन्दै कराडौं रुपैयाँ ठगी पर्ने व्यक्ति पक्राउ परेका छन् ।पक्राउ पर्नेमा कञ्चनपुरको शुक्लाफाँटा नगरपालिका-१ घर भइ काठमाडौँ टोखा बस्ने २५ वर्षीय भुवन कार्की छन् ।

उनलाई काठमाडौँ उपत्यका अपराध अनुसन्धान कार्यालयको टोलीले पक्राउ गरेको हो । बेरोजगार युवायुवतीलाई आकर्षक तलबमा अमेरिका पठाउने भन्दै तीन जनाबाट एक करोड रुपैयाँ लिएर ठगी गरेको आरोप छ ।

पक्राउ परेका कार्कीलाई थप अनुसन्धानका लागि जिल्ला प्रहरी परिसर काठमाडौँ पठाइएको अपराध अनुसन्धान कार्यालयले जनाएको छ ।