७ जिल्लाका प्रमुख जिल्ला अधिकारी फेरिए (सूचीसहित)

काठमाडौं। सरकारले ५ सहसचिवको पदस्थापन गरेको छ। गृह मन्त्रालयले बिहीबार निर्णय गर्दै ५ सहसचिवको पदस्थापन र २ जना प्रमुख जिल्ला अधिकारीको सरुवा गरेको हो।

गृह मन्त्रालयले बिहीवार बिहान बाँके, रौतहट, सङ्खुवासभा, खोटाङ, ओखलढुङ्गा, नुवाकोटमा प्रमुख जिल्ला अधिकारी पठाएको हो । 

प्राप्त विवरण अनुसार बाँकेमा धर्मराज जोशी, रौतहटमा विनोद कुमार खड्का, सङ्खुवासभामा दिव्य राज पोखरेल, खोटाङमा नरहरि घिमिरे, ओखलढुङ्गामा विजयराज सुवेदी, नुवाकोटमा शशिधर घिमिरेलाई पठाइएको छ । यसैगरी नुवाकोटका प्रजिअ रामकृष्ण अधिकारीलाई गृह मन्त्रालयमा फिर्ता गरिएको छ ।