मोटरसाइकल दुर्घटना, एक वृद्धाको मृत्यु

वीरगंज । पर्सा जिल्लाको वीरगंज महानगरपालिका २२ जगरनाथपुरस्थित सडकमा बिहीबार साँझ भएको मोटरसाइकल दुर्घटनामा एक वृद्धाको मृत्यु भएको छ ।

ड्राईपोर्टबाट परवानीपुरतर्फ जाँदै गरेको प्रदेश २-०३००९ प १६१० नम्बरको मोटरसाइकल अनियन्त्रित भई दुर्घटनामा परेपछि पर्सागढी नगरपालिका ६ चैनपुर निवासी ६० वर्षीया विराजी देवी गम्भीर घाइते भएकी थिइन् ।

घटनापछि उनलाई उपचारका लागि तराई अस्पताल लगिएको थियो, जहाँ उपचारको क्रममा उनको मृत्यु भएको हो । यस दुर्घटनामा संलग्न मोटरसाइकल चालकलाई प्रहरीले नियन्त्रणमा लिएको छ भने घटनाको विस्तृत अनुसन्धान भइरहेको जिल्ला प्रहरी कार्यालय पर्साले जनाएको छ ।