रौतहटमा असिना र पानीका कारण खेतिबाली ध्वस्त

रौतहट । रौतहटमा वर्षा र असिनाका कारण अन्न, तरकारी तथा फलफूल बालीमा ठूलो क्षति पुगेको छ । मौसममा एक्कासी आएको परिवर्तनले कृषि क्षेत्र तथा उद्योगमा असर पुर्‍याएको छ ।

असिना पानीका कारण विशेष गरी दलहन, तेलहन तथा आँप लगायतका खेती प्रभावित भएका छन् । किसानहरू अन्नबालीमा परेको क्षतिबाट चिन्तित छन् । त्यस्तै, स्थानीय इँटा उद्योगहरूमा समेत क्षति पुगेको बताइएको छ ।

हालसम्म क्षतिको विस्तृत विवरण प्राप्त नभएपनि असिना पानीका कारण किसानलाई ठूलो नोक्सान भएको प्रारम्भिक अनुमान गरिएको छ । स्थानीय प्रशासनले क्षतिको आकलन गर्न काम गरिरहेको छ ।

स्थानीय किसानहरूका अनुसार, असिना पानीका कारण पाक्न लागेको बाली तथा आँपका फूल झरेर उत्पादनमा असर पर्ने सम्भावना छ । मौसम परिवर्तनले आउने दिनमा पनि असर पार्ने अनुमान गरिएको छ ।