सुनको मूल्य बढ्यो, आज कतिमा हुँदैछ कारोबार?

काठमाडौं।  नेपाली बजारमा मंगलबार सुनको मूल्य बढेको छ । नेपाल सुनचाँदी व्यवसायी महासंघका अनुसार सोमबारको तुलनामा मंगलबार सुनको मूल्य प्रतितोला १८ सय रुपैयाँले बढेको हो। मंगलबारको मूल्य वृद्धिसँगै सुनको मूल्य अहिलेसम्मकै नयाँ उचाइमा पुगेको छ।

आज तोलामा एक हजार ८ सय रुपैयाँले बढेर १ लाख ७९ हजार ७ सय रुपैयाँमा कारोबार भइरहेको महासंघले जनाएको छ । सोमबार सुनको कारोबार प्रतितोला १ लाख ७७ हजार ९ सय रुपैयाँका दरले भएको थियो। आइतबार प्रतितोला १ लाख ७६ हजार ८ सय रुपैयाँको नयाँ रेकर्ड कायम गरेको सुनको मूल्यले त्यसयता लगातार नयाँ रकेर्ड बनाइरहेको छ।

चाँदीको मूल्य भने स्थिर छ । चाँदी प्रतितोला दुई हजार ३५ रुपैयाँमा खरिद–बिक्री भइरहेको महासंघले जनाएको छ । सोमबार पनि चाँदी यही मूल्यमा कारोबार भएको थियो ।