नेपाल ल क्याम्पस नेविसंघ पूर्व अध्यक्ष कार्की समूहद्वारा विद्यार्थी माथि आक्रमण, आधा दर्जन विद्यार्थी घाइते

काठमाडौं । नेपाली कांग्रेस निटक विद्यार्थी समूह नेविसंघबीच झडप भएको छ । नेपाल ल क्याम्पसमा विएलएलबीको कक्षा सञ्चालनको विषयलाई लिएर नेपाल ल क्याम्पसमा नेविसंघ समूहबीच दोहोरो झडप भएको हो ।

नेपाल विद्यार्थी संघ नेपाल ल क्याम्पसका पूर्व अध्यक्ष रञ्जिता कार्कीले विएलएलबीको तयारी कक्षा सञ्चालन गरिरहेको अर्को समूह माथि सांघातिक आक्रमण गरेको नेविसंघ ल क्याम्पसले जनाएको छ । विद्यार्थीहरुलाई तयारी कक्षा सञ्चालन गरिरहेको अवस्थामा पूर्व अध्यक्ष कार्कीको समूहले कक्षाकोठामा प्रवेश गर्दै कक्षा सञ्चालन गर्ने शिक्षक र विद्यार्थी माथि आक्रमण गरेको नेपाल ल क्याम्पसका नेता शिद्ध राज जोशीले जानकारी दिएका छन् ।

कार्की समूहको आक्रमणमा परि नेपाल ल क्याम्पसका नेविसंघ नेतृ पविना जोशी, शिद्धराज जोशी विरेन्द्र मडाई लगाएतका आधा दर्जन विद्यार्थी घाइते भएका छन् । दल बल सहित हुलदंगामा उर्तिएकी कार्कीले विद्यार्थीहरुलाई तथानाम गाली गलौज र अपशब्द प्रयोेग गर्दै आक्रमण गरेको विद्यार्थी नेता मडाईले नेशनपाटी डटकमलाई जानकारी दिएका छन् । हामी विद्यार्थीहरुलाई तयारी कक्षा सञ्चालन गरिरहेका थियौं । त्यत्तिकै बिना कारण कार्कीले ल क्याम्पस भन्दा बाहिरका गुन्डाहरु ल्याएर कक्षामा आक्रमण गरि विद्यार्थीहरुलाई घाइते बनाएको मडाईले बताएका छन् ।

नेविसंघ ल क्याम्पसमा कार्की समूहले दादागिरी गर्दै विद्यार्थी माथि सन्त्रास र द्धन्द्ध सिर्जना गरेको उनीहरुको आरोप रहेको छ ।