November 11, 2021
काठमाडौं-सर्वोच्च अदालतमा वकिल र प्रहरीबीच झडप भएको छ ।
वकिल र प्रहरीबीच भएको झडपमा ६ जना वकिल घाइते भएका छन् ।
नेपाल बार एशोसिएसनका महासचिव लीलामणि पौडेल, उपाध्यक्ष रक्षा बस्याल, पूर्वउपाध्यक्ष कुमार शर्मा आचार्य, पूर्वकेन्द्रीय सदस्य रमण कर्ण, उच्च बार पाटनका सदस्य मुकुन्द भट्टराई र केन्द्रीय सदस्य प्रकाश महर्जन घाइते भएको बताइएको छ ।
प्रहरीको लाठ्ठी चार्जबाट वकिलहरु घाइते भएका हुन् ।कानूनी व्यवसायीहरुले सर्वोच्च अदालतमा प्रधानन्यायाधीशको राजीनामा माग्दै प्रदर्शन गरिरहेका छन् ।
मूल ढोकामा विरोध प्रदर्शन गर्न खोज्दा प्रहरीले हस्तक्षेप गरेको थियो ।
त्यसपछि अदालत परिसरमा वकिल र प्रहरीबीच घम्साघम्सी भइरहेको छ ।
भिड नियन्त्रणका लागि काठमाडौंका प्रमुख जिल्ला अधिकारीले सशस्त्र प्रहरी बलको टोली पनि परिचालन गर्न आदेश दिएका छन् ।
प्रकाशित मिति:November 11, 2021
November 24, 2024
