November 18, 2021
जबरालाई राजीनामा दिन बारको शुक्रबारसम्मको अल्टिमेटम
काठमाडौँ-प्रधानन्यायाधीश चोलेन्द्र शमशेर जबरालाई राजीनामा दिन नेपाल बार एशोसिएसनले शुक्रबारसम्मको ‘अल्टिमेटम’ दिएको छ ।
शुक्रबारसम्म प्रधानन्यायाधीशको राजीनामा नआए आफूहरुले थप सशक्त कार्यक्रम ल्याउने बार एशोसिएसनका अध्यक्ष चण्डेश्वर श्रेष्ठले चेतावनी दिएका छन् ।
उनले प्रधानन्यायाधीश जबराले सर्वोच्च अदालतमा अनियमितता र भ्रष्टाचारको नेतृत्व गरेको आरोपसमेत बिहीबार आयोजना गरेको पत्रकार सम्मेलनमा लगाए ।
उनले जबरा प्रधानन्यायाधीशमा नियुक्त भएदेखिनै न्यायालयमा भ्रष्टाचार र अनियमितताको अध्याय सुरु गरेको बताएका छन् ।
बार एशोसिएशनबाट इतिहासमा कयौं पटक न्यायालयमा सुधारका लागि आन्दोलन गरिएको भन्दै त्यो इतिहासलाई साक्षी राखेर अहिले पनि आफूहरु आन्दोलनमा होमिनु परेको बताए ।
बिहीबार प्रहरी हस्तक्षेपका कारण शारीरिक चोट लागेका श्रेष्ठले भने, ‘म आफ्नो शरीरमा लागेको घाउलाई भरे सेक्नेछु र यसलाई निको तुल्याउने छु तर यो आन्दोलनबाट भाग्दिनँ ।’
जबरालाई राजीनामा दिन बारको शुक्रबारसम्मको अल्टिमेटम
प्रकाशित मिति:November 18, 2021
