आज पनि बढ्यो सुनको मूल्य, चाँदी भने स्थिर

काठमाडौं । आज (शुक्रबार) सुनको मूल्य बढेका छन् । असोज १४ गते, सुन तोलामा २०० रुपैयाँले वृद्धि भएको छ । यस दिन चाँदीको मूल्य भने स्थिर रहेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९३ हजार रुपैयाँ र तेजाबी सुन प्रतितोला ९२ हजार ५०० रुपैयाँ पुगेको छ । सुनको मूल्य निरन्तर तेश्रो दिन महंगिएको हो ।

बिहीबार सुन तोलामा एक हजार २०० रुपैयाँले बढोत्तरी भएको थियो । हिजो सुन प्रतितोला ९२ हजार ८०० रुपैयाँमा कारोबार भएको थियो ।

साताको अन्तिम दिन चाँदीको मूल्य भने स्थिर रहेको छ । यस दिन चाँदी एक हजार १७० रुपैयाँ कायम रहेको छ । अघिल्लो कारोबार दिन भने चाँदीको भाउ महंगिएको थियो ।