October 7, 2022
काठमाडौं । जनता समाजवादी पार्टी (जसपा)का कारण पाँचदलीय सत्ता गठबन्धनको सिट बाँडफाँडमा ढिलाइ भएको छ । हिजो (बिहीबार) अबेरसम्म बसेको बैठकमा जसपाका नेता उपस्थित नभएपछि सिट बाँडफाँडमा ढिलाइ भएको हो ।
सिट धेरै सुनिश्चित हुने दलसँग तालमेल गर्ने जसपाको रणनीतिले गठबन्धन सिट बाँडफाँडको टुंगोमा पुग्न सकेको छैन ।
सत्ता गठबन्धनले जसपालाई प्रतिनिधिसभातर्फ १६ सिट दिने तयारी गरेको छ । तर एमालेले भने झण्डै २५ सिट दिने बताएपछि जसपाको दोहोरो बार्गेनिङ चलेको नेताहरू बताउँछन् ।
गठबठन्धनको बैठक शुक्रबार बिहान पुनः बालुवाटारमा बस्ने भएको छ । दिउँसोसम्म जसपालाई कुर्ने र जसपाले निर्णय नदिए चार दलबीच मात्रै सिट बाँडफाँड गर्ने बताइएको छ ।
प्रकाशित मिति:October 7, 2022
November 24, 2024
