भ्रष्ट र चरित्रहीन साह सचिव बढुवाको लाइन मिलाउँदै

काठमाडौ । नेपाल सरकारका सहसचिव राम आधार साह सचिवमा बढुवाका लागि थैली बोकेर शक्ति केन्द्र धाइरहेका छन् । यद्यपि उनको विगत भने निकै घिनलाग्दो रहेको बुझिएको छ ।
केही समय अघि गुणस्तर तथा नापतौल विभागका महानिर्देशकको जिम्मेवारीमा रहेका साहले आफ्नो पदीय मर्यादा भुलेर भ्रष्टाचार लिप्त भएका थिए । नापतौलको महानिर्देशक रहँदा उनले देशभरका पेट्रोलपम्पलगायतका ठुला उद्योगीहरुबाट ढक तराजुहरुमा गढबढ गरेर अतिरिक्त रुपमा करोडौं असुल्ने महानिर्देशकका रुपमा चिनिएका थिए । उनी सोही अभियोगमा जेलजीवन समेत विताएका थिए ।
कार्यशैली र चरित्र हेर्दा आजिवन जेल बस्नुपर्ने सहसचिव साह यतिबेला नीतिगत तहमा जानकार हुँदै अतिरिक्त क्षमता राख्ने व्यक्तित्व सचिव पदको निम्ति अस्वाभाविक दौडधुप गरेको देख्दा स्वाभिमानी कर्मचारीहरु छक्क परेका छन् ।
नापतौल विभागमा रहँदा व्यापारी तथा व्यावसायीसँग चर्को असुली गरेका साह त्यतिबेला भने एक चौहान थरकी युवतीलाई जागिर लगाइदिन्छु भन्दै लामो समय यौनशोषण गरेको बुझिएको छ । साहले ती युवतीलाई यौन शोषण गरेको विभिन्न सञ्चारमाध्यममा उनको वास्तविक रुप छरपष्ट भएको छ ।
शिक्षा, विज्ञान तथा प्रविधि मन्त्रालयमा जगेडामा थन्किएका सहसचिव यतिबेला सचिव बढुवाका लागि थैली बोकेर शक्तिकेन्द्रमा धाउनुलाई उपल्लो तहका प्रशासकहरु आश्चर्यमा परेका छन् । जनताले नयाँ जनप्रतिनिधि छानिसकेका छन् ।
राजनीतिक तहले गरेका कतिपय काम र कार्यशैली व्यापक असन्तुष्टि जनमतबाट प्रकट भईरहेको छ । यस्तो मति भ्रष्ट व्यक्तिलाई सचिवको बढुवाका निम्ति कसले बोक्छ त्यो भने नागरिक समाजको बीचमा पनि खोजिको विषय हुने भएको छ ।