नेप्सेमा सामान्य सुधार

काठमाडौं । नेपाल स्टक एक्सचेञ्ज (नेप्से) साताको कारोबारको तेस्रो दिन मंगलबार सामान्य सुधार, कारोबार रकम भने घटेकाे छ । आज नेप्से २.९९ अंकले बढेर एक हजार ९ सय ५३ दशमलब ३५ विन्दुमा बन्द भएको हो । सोमबार नेप्से १५.६१ अंकले घटेर एक हजार ९ सय ५० दशमलब ३७ विन्दुमा बन्द भएको थियो ।

त्यस्तै, आज शेयरबजार घटेसँगै कारोबार रकममा पनि गिरावट आएको । आज नेप्सेमा ९५ करोड ७० लाख रुपैयाँ बराबरको करोबार भएको छ । सोमबार नेप्सेमा नेप्सेमा एक अर्ब ४९ करोड ४३ लाख रुपैयाँ बराबरको कारोबार भएका भएको थियो । 

कारोबारमा आएका कम्पनीहरुमध्ये १२० वटा कम्पनीको शेयरमुल्य बढेको छ भने ६७ वटा कम्पनीको शेयरमूल्य घटेको छ । ९ कम्पनीको शेयरमूल्य स्थिर रहेको छ । आज एक कम्पनीको शेयरमूल्यमा उच्च वृद्धि भएको छ । धौलागिरी लघुवित्त वित्तीय संस्थाको शेयरमूल्य ६.१० प्रतिशतले बढेर प्रतिकित्ता २६६ रुपैयाँ पुगेको छ । 

नेप्सेका अनुसार एनआइसी एशिया ब्यालेन्स फण्डको शेयरमूल्यमा सामान्य गिरावट भएको छ । यसको शेयरमूल्य ४ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी हिमालयन डिष्ट्रिलरी लिमिटेडको भएको छ । यसको आज ९ करोड ७२ लाख भन्दा बढीको कारोबार भएको छ ।