बलात्कार आरोपमा एकजना युवक पक्राउ

काठमाडौं । बलात्कार गरेको आरोपमा प्रहरीले भक्तपुरबाट एकजना युवकलाई पक्राउ गरेको छ । पक्राउ पर्नेमा सर्लाहीको हरिपुर नगरपालिका–६ घर भएका २९ वर्षीय महमद आरिफ शेख छन् ।

सूर्यविनायक नगरपालिका–४ मोर्डन चोक बस्ने शेखले १५ वर्षीया किशोरीलाई बलात्कार गरेको आरोप छ । आरोपीलाई सोमबार साँझ पक्राउ गरिएको जिल्ला प्रहरी परिसर भक्तपुरले जनाएको छ ।

किशोरीलाई शेखले सूर्यविनायक नगरपालिका–४ मोर्डन चोकमा लगेर आइतबार राति जबरजस्ती करणी गरेको सूचनापछि प्रहरी वृत्त थिमीबाट खटिएको प्रहरीले उनलाई पक्राउ गरेको हो । घटनाबारे प्रहरी वृत्त थिमीले अनुसन्धान गरिरहेको छ ।