प्रधानमन्त्रीको टुङ्गो लगाउन गठबन्धन बैठक सुरु
१० पुष २०७९, आईतवार
काठमाडौँ । प्रधानमन्त्रीको पहिलो कार्यकाल टुङ्गो लगाउनका लागि बालुवाटारमा सत्ता गठबन्धनको बैठक सुरु भएको छ।
सरकारको नेतृत्व पहिले काँग्रेसले गर्ने वा माओवादी केन्द्रले भन्ने निर्णयका लागि पाँच दलीय गठबन्धनका शीर्ष नेतृत्व छलफलमा जुटेका हुन्।
बैठक केही बेर अघि सुरु भएको प्रधानमन्त्रीका प्रेस सल्लाहकार गोविन्द परियारले बताए।
राष्ट्रपति विद्यादेवी भण्डारी सरकार निर्माणका लागि दिएको सात दिनको समय आज पाँच बजे समाप्त हुँदैछ।
