नाबालिकालाई बलात्कार गर्ने भारतीय नागरीक प्रहरीको फन्दामा 

रौतहट २६ चैत। रौतहटको कटहरीयामा एकजना नाबालिकालाई बलात्कार गरेको आरोपमा भारतिय नागरीक प्रहरीको फन्दामा परेका छन्। पक्राउ पर्नेमा भारत बिहार घोडासहन बजार घर भएका ३० वर्षिय धर्मेन्द्र साह सोनार रहेको प्रहारीले जनाएको छ। आरोपी सोनारको ससुराली कटहरीया बजार छेउमै रहेको छ।

शनिबार उनि ससुराली कटहरीया आएका थिए। ससुरालीको छिमेकीको घरका अभिभावक महिला पुरुष बाहिर भएको मौका छोपी दिउसो साढे दुई बजे एकजना ८ वर्षीया बालिकाको मुख थुनेर धर्मेन्द्र साहले बलात्कार गरी फरार भएका थिए।

पिडीत बालिका रोईकराई गर्दै घटना बारे आफ्नो काका र काकीलाई सुनाउँदा काकाले भाग्दैगरेका सोनार लाई नियन्त्रणमा लिएर ईलाका प्रहरी कार्यालय कटहरीयाको जिम्मा लगाएका थिए। ईलाका प्रहरी कार्यालय कटहरीयाका प्रमुख सई अशोक कुमार महतोले बलात्कारका आरोपी भारतिय नागरीक सोनार नियन्त्रणमा भै आवश्यक कार्वाहीको लागि ईलाका प्रहरी कार्यालय गरुडा पठाइएको बताएका छन।

शनिबार दिउसो घटना पछि पीडितका काकाले आरोपी भारतिय नागरीक सोनारालाई कार्वाहिको लागि प्रहरीमा बुझाउँदा कानूनी कारवाहीमा न जान उनीमाथि धेरै दवाब आएको उनले बताएका छन। पीडितको स्वास्थ परिक्षण लगायतका प्रक्रिया सुरु गरिने ईलाका प्रहरी कार्यालय गरुडा ले जनाएको छ।