अनुमतिबिना योगी नरहरिनाथका सामग्री प्रकाशन प्रसारण नगर्न परिषद्को चेतावनी

काठमाडौँ, ५ जेष्ठ । योगी नरहरिनाथद्धारा लिखित, सम्पादित,मुद्रित,प्रकाशित संग्रहित गोरक्ष ग्रन्थमाला आदि सबै प्रकारका सामाग्री (रेखा तथा छाँया चित्र सहित) को सर्वाधिकार योगीज्यूद्धारा स्थापित श्रीबृहद आध्यात्मिक परिषद एवम् अधिकृत उत्तराधिकारी शिष्यमा नै सुरक्षित रहेको परिषद्ले जनाएको छ । कुनै पनि ब्यक्ति,संघ,संस्थाद्वारा कुनै पनि सामाग्री उक्त संस्था तथा अधिकृत उत्तराधिकारीको  अनुमति र स्वीकृति विना पुस्तक,नाम,टाइटल,डिजाइन,चित्र आदि आंशिक या पूर्ण रुपले तोडमरोड गरी एवम् कुनै पनि भाषामा छाप्न वा प्रकाशन,प्रशारण  गर्ने काम नगरियोस् नगर्न परिषद्ले ध्यानाकर्षण गराएको छ ।
“यस परिषदको अधिकार अन्तर्गत रहेका सामाग्रीहरुको  अनधिकृत तरिकाले अनुमति बेगर अहिलेसम्म र अहिले पनि प्रकाशन तथा प्रसारण गरिएको पाइएकाले सो कार्य यथासिघ्र रोक्नका लागि सचेत गराइएकोछ ।” परिषद्द्वारा जारी विज्ञप्तिमा भनिएको छ– “अन्यथा प्रचलित कानुन अनुसार कडा कार्वाही गरिने कुरा यसै विज्ञप्तिद्वारा सम्बन्धित सवैलाई सूचना गरिएको छ । अन्यथा कडा कार्वाही  गर्न बाध्य नगराइयोस् ।”