कर्णाली प्रदेश सभाको नियमावली संशोधन गर्न समिति गठन

काठमाडौँ । कर्णाली प्रदेश सभा नियमावलीलाई संशोधन गर्न समिति गठन भएको छ। आइतबार बसेको प्रदेश सभा बैठकमा सांसद हिक्मतबहादुर विष्टले संशोधन समितिका लागि प्रस्ताव पेश गरेका थिए । प्रदेश सभा नियमावली समयानुकूल संशोधन गर्नुपर्ने अवस्था रहेकाले समिति गठन भएको हो। समितिले तीन महिनाभित्र जिम्मेवारी सम्पन्न गर्नेछ। नियम २३६ बमोजिम उपनियम ३ बमोजिम गठित समितिको सदस्यमा कल्याणी खड्का, टेकराज पछाई, देवेन्द्रबहादुर शाही, पूर्णबहादुर खत्री, महेन्द्र केसी, रनसिंह परियार, विनोद कुमार शाह, सन्तोषी शाही र हिक्मतबहादुर विष्ट रहेका छन्। नियमावली संशोधन समिति गठनका लागि संसद्मा प्रस्ताव भई निर्माणार्थ प्रस्तुत भएको थियो । प्रस्तुत प्रस्तावलाई संसद्को बहुमत सदस्यद्वारा अनुमोदन भएको सभामुख नन्दा गुरुङले सुनाइन् ।