बुधबार दोहोरो अङ्कले घट्यो नेप्से

काठमाडौँ । धितोपत्र बजारमा शेयर कारोवार मापक नेप्से परिसूचक आज दोहोरो अङ्कले घटेको छ। नेपाल स्टक एक्सचेञ्जका अनुसार नेप्से १७.५० अङ्कले घटेर एक हजार ४ सय ३२.४४ पुगेको छ। यस्तै सेन्सेटिभ परिसूचक ३.९० अङ्कले घटेर ३ सय ३ दशमलव १४ मा पुगेको छ।

आज कूल १ सय ८३ कम्पनीका ३५ लाख ८६ हजार कित्ता शेयर रु एक अर्ब ५३ करोड २५ लाख ११ हजार ७ सय १६ मा खरिद बिक्री भयो। कारोवार भएका कूल १२ मध्ये दुई उपसमूहको शेयर मात्र बढेको छ। होटल १ सय ३४ दशमलव ४५ र सामूहिक लगानी कोषको शेयर ०.०७ अङ्कले बढेको छ।

बैंकिङ २१ दशमलव ५१, व्यापार ७ दशमलव ९४, विकास बैंक ३ दशमलव ८३, जलविद्युत् १३ दशमलव ०३, वित्त ७ दशमलव १६, निर्जीवन बीमा ५ दशमलव ५४, उत्पादन २० दशमलव९५, अन्य १४ दशमलव ३४, लघुवित्त १५दशमलव १ र जीवन बीमा ७१ दशमलव६ अङ्कले घटेको छ। कारोवार रकमका आधारमा एनआइसी एशिया लघुवित्त वित्तीय संस्था शीर्ष स्थानमा रहेको छ। सो कम्पनीको शेयर रु १८ करोड १५ लाख ८४ हजार ८ सय २१ मा खरिद बिक्री भयो।

त्यस्तै नेपाल पुनःबीमा कम्पनी रु १६ करोड २३ लाख ७६ हजार २ सय ६७, नेपाल लाइफ इन्स्योरेन्स कम्पनी रु ९ करोड ९२ लाख ६९ हजार ६ सय ५५, एनएमबी बैंकको रु आठ करोड १३ लाख ७३ हजार ३ सय ४०, हिमालयन डिष्टिलरी लिमिटेड रु सात करोड ४८ लाख ८७ हजार ४ सय ७६ र एनआइसी एशिया बैंकको शेयर रु ७ करोड १३ लाख चार हजार ५ सय १७ मा खरिद बिक्री भयो।

ओरियन्टल होटल लिमिटेडका लगानीकर्ताले आज सबैभन्दा बढी १० प्रतिशतले कमाए। यस्तै तारागाउँ रिजेन्सी होटल ९ दशमलव ९५, सोल्टी होटल ९ दशमलव ४९, एनआइसी एशिया लघुवित्त वित्तीय संस्था ६ दशमलव ४८, श्रीराम सुगर मिल्स ६ दशमलव २७ र हिमाल दोलखा हाइड्रोपावर कम्पनीका शेयरधनीले ५ दशमलव ४३ प्रतिशतले कमाए। यस्तै नेपाल सेवा लघुवित्त वित्तीय संस्था ८ दशमलव ६१, घलेम्दी हाइड्रोपावर ६ दशमलव ९०, सिनर्जी पावर डेभलपमेन्ट ६ दशमलव ५४, जोशी हाइड्रोपावर ५ दशमलव ८८, रिडी हाइड्रोपावर ५ दशमलव ८१ र मिथिला लघुवित्त वित्तीय संस्थाका लगानीकर्ताले ५ दशमलव ८० प्रतिशतले गुमाए।