वडा अध्यक्ष राकेश यादव पप्पुको चौतर्फी आलोचना

रौतहट १२ मंसिर। रौतहटको फतुवा बिजयपुर नगरपालिका ९को वडा अध्यक्ष राकेश यादव उर्फ पप्पुयादवको चौतर्फी आलोचना सुरु भएको छ।
वडा अध्यक्ष यादव आफ्नो काम कर्तब्य बिर्सेर आफ्नो अधिकार क्षेत्र भन्दा बाहिर गएर फतुवा विजयपुरको लेखाअधिकृत नवीन कुमार यादव संग अभद्र ब्यवहार गरेको कारण उनको चौतर्फी आलोचना सुरु भएको हो। सोमवार दर्जन बढी मानिस पत्रकार लगायतले यसै विषयमा आआफ्नो तरिकाले वडा अध्यक्ष पप्पु भन्ने राकेश यादवको आलोचना गर्दै उनलाई सुझाव समेत दिएका छन। एकजना पत्रकार कृष्ण तिवारीले आफ्नो आधिकारिक आईदी मार्फत सामाजिक सञ्जाल फेसबुकमा यसरी लेखेका छन
तपाईं एउटा जनप्रतिनिधि हुनुहुन्छ , तपाईंको अगाडि एउटा नेपाल सरकारको कर्मचारीमाथि अपशब्द गालीगलौज र दुर्व्यवहार गर्नु अराजकताको प्रकाष्ठा हो। वडा अध्यक्षले केके गर्न सक्छन? वडा कार्यालयका काम,कर्तव्य र अधिकार केकेछ्न, त्यस् तर्फ ध्यान दिनुको सट्टा पालिकामा गएर भिडियो बनाउने कार्यमा ब्यस्त हुनुहुन्छ । कामकाज छोडेर तपाईं पालिकामा के गर्दै हुनुहुन्छ , कर्मचारी संग तपाईं आएको समय सोधपुछ गर्दै हुनुहुन्छ भने त्यो समयमा हजुर आफ्नो कार्यालय छोडेर पालिकामा के गर्दै हुनुहुन्छ । के तपाईं माथि कानुन लाग्दैन ? तपाईं जनप्रतिनिधि जोसँग समाज रूपान्तरणको ठोस नीतिगत कार्यदिशा हुनै नपर्ने । समाजका असन्तुष्टिहरूको तुष्टीकरण गरेर त्यसैमा खेलेर राजनीतिको जीविका चलाउने । त्यस्तो पात्रले समाजलाई दिन सक्ने भनेको उत्तेजना मात्रै हो । आफू भए ठीक । नभए या आफूमाथि प्रश्न उठे त्यसको जवाफ दिने होइन उल्टै अरूलाई गाली, बेइज्जती, अपमान गर्ने । समाजलाई ध्रुवीकृत गर्ने । घृणाको बिस्कुन फिँजाउने । चरम लोकप्रियतावादी दक्षिणपन्थी विषालु हावाले समाजलाई डस्ने । बाँकी सारा खराब, म एक्लो असल भन्ने आत्मालापको दुन्दुभि फुकेर सिंगो समाजमा ध्वनि प्रदूषण मच्चाउने । चिच्याउने । जति चिच्यायो उति ठूलो भइन्छ भन्ने स्थापित गर्ने वडा अध्यक्ष पप्पु भन्ने राकेश यादवको आलोचना गर्दै पत्रकार कृष्ण तिवारीले सुझाव समेत दिएका छन। उल्लेखनीय छ नेपाली कांग्रेसकै केही वडा अध्यक्षहरुले केही कर्मचारीलाई अघि सारेर फतुवा बिजयपुरमा गरेको तालाबन्दीका कारण असारमा हुनुपर्ने नगरसभा हालसम्म नभएर सम्पूर्ण आर्थिक कारोबार ठप्प भएको थियो। कांग्रेस बाहेकको सर्वदलीय समितिको पहल र मेयर अम्बेया खातुनको अगुवाईमा ताला फोडेर नगरपालिका सञ्चालन गरिएको थियो।
एक हप्ता नबित्दै प्रमुख प्रशासकीय अधिकृत उपसचिव सुरेन्द्र प्रधान र लेखा अधिकृत नवीन यादवको मिहिनेतले नगरको सम्पूर्ण सेवाग्राहीको सामाजिक सुरक्षा भत्ता वितरण सुरु भएको छ। नगरपालिकाका ३५० भन्दा बढी शिक्षक कर्मचारीले पाँच महिना देखि तलव सुविधा पाउन सकेका छैनन्। कर्मचारीको तलब पठाउन तथा नगरको काम नियमित सञ्चालन गर्न चाँडै नगरसभा गर्ने उद्देश्यले मेयर खातुन, अधिकृत प्रधान सँगै जनप्रतिनिधिहरु लागिपरेका छन्। यस्तो अवस्थामा कांग्रेस पार्टी बाट निर्वाचित वडा अध्यक्ष पप्पु भन्ने राकेश यादवले नगरका कर्मचारी संघ अभद्र ब्यवहार गरेर के संदेश दिन चाहेका छन् उनको उदेश्य बारे सहजै अनुमान गर्न सकिन्छ।