मौलापुरमा लोकप्रिय बन्दै कार्यक्रम असाहय संग मेयरछोरीको विवाह मण्डपमै गरिन्छ चेक हसतान्तरण

रौतहट १२ मंसीर। रौतहटको मौलापुर नगरपालिकामा असहाय संग मेयर कार्यक्रम लोकप्रिय बन्दै गएको छ। मधेश प्रदेशमै पहिलो महिला मेयर रिना कुमारी साहको उदारता र सक्रियताले नगरबासी माझ असहाय संग मेयर कार्यक्रम लोकप्रिय बनेको हो।
असहाय संग मेयर कार्यक्रमलाई थप प्रभावकारी र व्यवस्थित बनाउने अठोटका साथ माैलापुर नगरपालिका ६ पथराका विजय गिरीजीकाे छाेरीकाे बिवाहमा सहभागी भई सोमवार मेयर साहले विवाह मण्डपमै सहयोग स्वरुप ३० हजार रुपैयाँको चेक हस्तान्तरण गर्नुभएको छ ।
साथै उहाँले नगरक्षेत्र अन्तर्गतका सम्पूर्ण बिपन्न परिवारको छोरीको विवाहमा सक्दो सहयोग गर्ने प्रतिबद्धता जनाउँदै विवाह भन्दा एक हफ्ता अगाडी विवाहको कार्ड सहितको फाइल पेस गर्न आग्रह गर्नु भयो। पेस हुने फाइलकै आधारमा बिबाहकै दिन घरमै अनुदान रकमको चेक उपलब्ध गराउने उनले जानकारी गराउनु भएको छ । छोरीको बिबाहपछि आउने फाइलहरू मान्य नहुने नियम लागु भएको मेयर रिना कुमारी साहले जानकारी दिनुभयो।
असहाय संग मेयर कार्यक्रम अन्तर्गत मौलापुर नगरपालिकामा छोरीको बिहेको लागि आर्थिक बर्ष २०७९।०८० मा ५० परिवारलाई आर्थिक सहयोग गरिएको छ।
छोरीको विवाहमा सहयोग स्वरुप जनही ३० हजारका दरले ५० जना परिवार एवं निवेदकको खातामा १५ लाख रुपैयाँ पठाईएको मौलापुर नगरपालिकाका प्रमुख प्रशासकीय अधिकृत रामबाबु साहले बताउनुभयो। बाकी केही निवेदकको रकम अर्को पठाईने प्रक्रियामा रहेको अधिकृत साहले जानकारी दिएका छन्।
२०७९ सालको स्थानीय निर्वाचनमा अत्यधिक मत ल्याई लगातार दोश्रो पटक मौलापुर नगरपालिकाको नगर प्रमुख पदमा निर्वाचित भइ २०७९ साल जेठ ६ गतेबाट नगर प्रमुख पदको कार्यभार सम्हाल्नु भएकी मधेस प्रदेशको प्रथम महिला मेयर रिना कुमारी साहको पद निर्वाचन आयोगको गत असोज २९ गतेको निर्णय एवं ३० गतेको सूचनाबाट रिक्त भएको थियो। सर्वोच्च अदालतको गत कार्तिक २४ को फैसला बमोजिम गत ५ गते पुनः कार्यभार सम्हाल्नु भएको थियो।
मेयर रिना कुमारी साह पूर्व मन्त्री तथा आमजनता पार्टीका अध्यक्ष प्रभु साहको पत्नी हुन।