आयल निगमका कार्यकारी निर्देशक थानीले दिए राजीनामा

काठमाडौँ । नेपाल आयल निगमका कार्यकारी निर्देशक उमेश प्रसाद थानीले पदबाट राजीनामा दिएका छन्। 

थानीले थानीले मङ्गलवार उद्योग वाणिज्य तथा आपूर्ति मन्त्रालयमा पुगेर राजीनामा दिएका हुन् । थानीले राजीनामा दिएको मन्त्रालय स्रोतले जनाएको छ । घाटामा रहेको निगमलाई हालै नाफाको अवस्थामा पुर्‍याएका थानी अब सक्रिय राजनीतिमा आउने तयारीमा रहेको निकटस्थहरु बताउँछन् ।

मंसिर २७ बाट लागू हुनेगरी थानीले राजीनामा बुझाएका हुन् । उनले २०७८ फागुन २६ गते निगमको कार्यकारी निर्देशकको रुपमा नियुक्त लिएका थिए । ३ वर्षको लागि नियुक्त भएका थानीले १ वर्ष ९ महिनामै राजीनामा दिएका छन् ।

उनले शेरबहादुर देउवा प्रधानमन्त्री भएका बेला कार्यकारी निर्देशकको जिम्मेवारी पाएका थिए ।