सुनको मूल्य प्रतितोला ६ सय रुपैयाँले वृद्धि

काठमाडौँ । सुनको मूल्य प्रतितोला ६ सय रुपैयाँले बढेको छ ।  मंगलबार छापावाल सुन प्रतितोला १ लाख २० हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

सोमबार छापावाल सुनको मूल्य प्रतितोला १ लाख १९ हजार ९ सय रुपैयाँ थियो । मंगलबार तेजावी सुनको मूल्य पनि बढेको छ । तेजावी सुनको मूल्य तोलामा ५ सय ५० रुपैयाँले बढेको हो । सोमबार प्रतितोला १ लाख १९ हजार ३५० मा कारोबार हुँदा मंगलबार तेजावी सुन प्रतितोला १ लाख १९ हजार ९ सय रुपैयाँ पुगेको हो ।

चाँदीको मूल्य प्रतितोला १० रुपैयाँले बढेको छ । आज प्रतितोला १ हजार ४ सय ८५ रुपैयाँमा चाँदीको कारोबार भइरहेको छ । सोमबार चाँदीको मूल्य प्रतितोला १ हजार ४ सय ७५ थियो ।