पूर्व प्रदेश प्रमुख अहिराजद्वारा ४२औं पटकको रक्तदान

रौतहट १० पुस। मधेश प्रदेशका पूर्व प्रदेश प्रमुख राजेश झा अहिराजले ४२ पटक रक्तदान गरेका छन। रक्तदान जीवनदान भन्ने मान्यताका साथ पूर्व प्रमुख झाले आईतवार ४२ औं पटक रक्तदान गरेका हुन। काठमाडौं कालीमाटी स्थित ब्लड बैंकको केन्द्रीय कार्यालयमा ४२ औं पटक रक्तदान गरेको उनले बताएका छन्। रक्तदानले जीवनदान हुनुका साथै आफनो स्वास्थमा पनि सकारात्मक प्रभाव पर्ने भएको कारण झण्डै २० बर्ष अघिदेखि रक्तदान सुरुगरेको उनको भनाई छ।

मुलुकमा पहिलो मधेश आन्दोलन पूर्ण उचाइँमा रहँदा २०६१ सालमा आन्दोलनकारी र सुरक्षाकर्मी बीच दैनिकजसो दोहरो झडप भइरहेको थियो। सो समय झडपमा घाईते हुनेगरेका आन्दोलनकारी लाई दैनिकजसो रगतको आवश्यकता हुँदा मधेशमा रगतको अभाव भइरहेको थियो। सोही समय आन्दोलनकारी घाईतेलाई रगतको आपूर्ति गर्न सुरुगरिएको रक्तदानलाई हालसम्म निरन्तरता दिएको पूर्व मधेश प्रदेशका प्रमुख अहिराजले बताएका छन्।

स्वास्थ्य विज्ञहरुले एकजनाको रक्तदानले तिनप्रकारको विरामीलाई जीवनदान र रक्तदाता लाई पनि स्वास्थमा राम्रो प्रभाव पर्ने सुझाव दिएकाले निरन्तरता दिएको उनले बताएका छन्। त्यतिमात्र नभएर देश तथा समाजका अगुवाले रक्तदान गर्दा त्यसको राम्रो सन्देश जानेहरेको छ। सर्वसाधारण नागरिकले रक्तदान गर्दा बेफाईदा हुने सोंच राख्ने गरेका छन्। तर नेतृत्व वर्गले नियमित रक्तदान गर्दा सर्वसाधारणले त्यसलाई नजिक बाट नियाल्छन् र त्यसको समाजमा राम्रो सन्देश गएर रक्तदान गर्न उत्प्रेरित गर्ने भएको कारण हालसम्म ४२ पटक रक्तदान गरिरहेको बताए। आफूले कम्तीमा ५० पटक रक्तदान गर्ने चाहना रहेको मधेश प्रदेशका पूर्व प्रमुख राजेश अहिराजले जानकारी दिएका छन्।

केन्द्रिय रक्त सञ्चार सेवा कालीमाटीका निर्देशक पवन कुमार गुप्ताले एकजनाको रक्तदानले तीनजनाको जीवनदान हुनेगरेको बताएका छन। एउटा रगत बाट रेड ब्लड सेल, प्लेतलेट र प्लाज्मा गरी तीन ठाउँमा बाँडेर तीनजनाको ज्यान जोगाउन सकिने उनको भनाई छ। १८ बर्ष उमेर पुगेका ४५ किलो तौल र साढे १२ हेमोग्लोबिन भएका मानिसले प्रत्येक ९० दिनको अन्तरमा रक्तदान गर्नसक्छन्। स्वच्छ रोग रहित मानिसले ६५!७० बर्षको उमेर सम्म रक्तदान गर्नसक्ने निर्देशक गुप्ताले बताए। नियमित रक्तदान गर्ने मानिसलाई पनि स्वास्थलाभ हुनेगर्दछ।

उनीहरूलाई सितिमिति उच्च रक्तचाप रोग लगायतका केही अन्य रोग लाग्दैन र कुनै रोग लागेमा तुरुन्त जानकारी भैहाल्ने हुनाले स्वास्थ युवा तथा मानिसले नियमित रक्तदान गर्नुपर्ने निर्देशक गुप्ताले सुझाव दिएका छन्। मुलुकमा कहिले काहीँ रगतको अभाव पनि हुने गर्दछ। देशका नेतृत्व वर्ग, सेलिब्रिटी लगायत पहिचान भएका मानिसले नियमित रक्तदान गर्छ भने त्यसको प्रभावले अन्यलाई पनि रक्तदान गर्न प्रोत्साहन गर्छ। निर्देशक गुप्ताले भने स्वर्गिय राजा महेन्द्रले पनि नियमित रक्तदान गर्ने गरेका थिए। त्यसबारे हामी संग कुनै अभिलेख त छैन तर एकजनाको रक्तदानले तीनजनाको जीवनदान र स्वयं लाई पनि लाभ हुने भएकै कारण स्वर्गिय राजा महेन्द्र नियमित रक्तदान गर्नेगरेको गुप्ताको अनुमान रहेको छ।