६२ औं राष्ट्रिय नर्सिङ्ग दिवस रौतहटमा भब्यताका साथ मनाइयो

रौतहट । ६२ औ राष्ट्रिय नर्सिङ दिवसरौतहटमा धुमधाम साथ मनाइएको जनाइएको छ। प्राप्त जानकारी अनुसार रौतहट जिल्ला स्थित प्राविधिक शिक्षा तथा व्यावसायिक तालिम परिषदको आङ्गिक शिक्षालयको रुपमा संचालित गौर बहुप्राविधिक शिक्षालय गौर रौतहटमा प्रवीणता प्रमाणपत्र तह नर्सिङ्ग र मिडवाइफ्री कार्यक्रममा अध्ययनरत रहेको छात्रछात्रा नर्सिङ कर्मचारी स्वास्थ्य क्षेत्रमा कार्यरत रहेको कर्मचारीहरुले जिल्लाको सदरमुकामका विभिन्न स्थानमा जुलुस सहितको परिक्रमा गरि सचेतता जगाइएको थियो । त्यसैगरी शिक्षालय देखी बरहवा पुल, ट्रान्सर्फमर चौक, जिल्ला प्रशासन कार्यालय, गौर नगरपालिका कार्यालय हुँदै प्रादेशिक अस्पताल गौर रौतहटमा एक कार्यक्रम समेत भएको गौर बहुप्राबिधिक शिक्षालयका प्रशासकीय अधिकृत मुकेश कुमार साहले सम्पत्ति न्युजलाई जानकारी गराए।
गौरमा आयोजित कार्यक्रमको गौर बहुप्राविधिक शिक्षालयका शिक्षालय प्रमुख टेकराज पौडेलको अध्यक्षता भएको थियो भने सो कार्यक्रममा प्रादेशिक अस्पताल गौरको प्रमुख अनुठाराय यादवको प्रमुख आतिथ्यतामा कार्यक्रम भएको थियो ।कार्यक्रममा नर्सिङ्ग इन्चर्ज सबिनाज वेगम गौर बहुप्राविधिक शिक्षालय गौर रौतहटको प्रशासकीय अधिकृत शाह, नर्सिङ्ग कोर्डिनेटर नितालेखी चौधरी, जगत नारायण सिङ्ग, समीक्षा शाही , शशी भूषण मिश्र लेखापाल उमेश कुमार पण्डित, ICU इन्चार्ज दिक्क्षा घिमिरे, अल्का केसरी लगायतको बिशेष उपस्थितिमा ६२ औं राष्ट्रिय नर्सिङ्ग दिवसको अवसरमा कार्यक्रम सम्पन्न भएको जनाइएको छ। सो कार्यक्रम पश्चात् प्रादेशिक अस्पताल गौरमा भर्ना भएका बिरामीहरुलाई फलफूल बितरण गरी बिरामीहरूको स्वास्थ अवस्था बुझ्ने काम गरिएको बताइएको छ।